گرک سیندیراخ آیریلیخ بایداسین
گرکدیر بیلک بیرلیگین فایداسین
وصال نگار ایستسک بیز گورک
بصیرتله همتله وحدت گرگ
×××××××××
اولمرم
سن دییسن بیرده سنی گورمرم؟
بیرده گوروب بوینووا قول هورمرم ؟
گول دوداغین مختصرک ترپشیپ؟
امر اده اول فکر ادیسن اولمرم؟
هجر اودونا یا ندیراسان گر منی ؟
داغ داشی فرهاد کیمین بولمرم ؟
گر منی سنن آییرا روزگار ؟
آی گونی گویدن یره اندیرمرم ؟
کوی وصالونده اگر جان ورم
اولممیشم ؛ اومیجم ؛ اولمرم .
×××××××××××××××××
یار دوداغی
ایمان دادینی من آلیرام یار دوداغیننان
الهام آلیرام طوریده طوبی بیداغیننان
دیوانه الوب آتش عشق ایچره دولانام
سینم اوت آلیر دایمی جانان قوجاغیننان
.......